Loilooi ke nyɛɛi ë wathaka ku ɣänken

Ye jerdeel yïndë kee tɔ̈?

Luɔɔi ë nyiɛɛi de jerdeel ke kerbside ee yen mat thïn ëbën agut cï luɔɔi de kee käkë:

• Jerdeel ye lïtaai kaa 80, lïtaai kaa 120 ka lïtaai kaa 240 muk nɔŋ nhom kuɔ̈ɔ̈m thith (bennë wathaka bï lɔ cuatwei ya tääu thïn) – Wëuken aabï ya pëk në dït den
• Jerdeel ye lïtaai kaa 240 muk nɔŋ nhom kuɔ̈ɔ̈m maketh (bennë wathaka bï lɔ nyɔk ë luɔɔi ya tääu thïn) ka jerdeel ye lïtaai kaa 120 ka lïtaai kaa 360 muk (bï tɔ̈ në nïn lik bɔ̈ tueeŋ käkë yiic) - Wëuken aabï ya pëk në dït den
• Jerdeel ye lïtaai kaa 240 muk nɔŋ nhom kuɔ̈ɔ̈m maŋök (bennë thueithueei ke kuïn ku kä tɔ̈ domic ya tääu thïn) ka bï lïtaai kaa 120 ya muk - Wëuken aabï ya pëk në dït den
• Jerdeel ye lïtaai kaa 120 muk nɔŋ nhom kuɔ̈ɔ̈m maalïïk (bennë thueithueei ke gëlɛ̈th bï keek bɛɛr lɔ nyɔk ë luɔɔi ya tääu thïn) bï tɔ̈ në ruɔ̈ɔ̈n de 2024 yic– Wëuken aabï keek kɔn deetiic

Tëŋë thok de wathakaai baai ku ba keek ya ŋiɛ̈c tääu në jerdeel ken yiic ee kë thiekic arëëtic ago kɔc ye wathaka jɔt ya cɔk ŋic kä bïkkë keek jɔt ku kä bïkkë keek bɛɛr ya lɔ nyɔk ë luɔɔi.

Yuɔ̈pë akut ye kɔc luɔ̈ɔ̈r të de luɔɔi në 03 5832 9700 të cennë jerdel du määr ka cï riääk agokë ajuiɛɛr ë wɛ̈ɛ̈r de jerdel du looi, ke ye guɔ̈ɔ̈t ë thuaalduɔ̈ɔ̈n kɔɔr ba thiëëc në tɛ̈n yennë luɔɔi de nyiɛɛi ë wathaka juiɛɛr thïn.

Ye nɛn yen bennë jerdel diɛ̈ ya nyaai yic wei?

Ago ŋic ë kööl bennë jerdel du bɛ̈n jɔt paanduɔ̈n ke yï nem Apäm ë wɛbthaaitda yic mɛn lëu bïn thanduŋ ë thöön de paanduɔ̈n ya kuɛɛn thïn ku ba ŋic.

Yeeŋö bï ya lɔ në jerdel yïndë yic?

Jerdel nɔŋ nhom kuɔ̈ɔ̈m thith (Nɔŋic wathaka bï lɔ cuatwei)

Yeeŋö LËU ba ya tääu në jerdel nɔŋ nhom kuɔ̈ɔ̈m thithic?

• Guɔ̈ɔ̈të wathaka tɔ̈ ɣööt ëbën
• Bɛɛk tɔ̈ ëke ye lïthïïk
• Lïthïïk kɔ̈c
• Lïthïïk piɔl/martaba
• Pämpääth
• Abïny/kubän ë gëlääth cï kuɛɛm ka gëlänh awër cï nyin kuɛɛm

Yeeŋö CÏÏ LËU ba ya tääu në jerdel nɔŋ nhom kuɔ̈ɔ̈m thithic?

• Thueithueei ke karaba
• Ŋeth ŋoot ke tuc ka pïu
• Wɛl ke Chemicals
• Adït thiek dït kɔ̈k
• Ujiɛ̈ɛ̈r ke riäi
• Wathaka ye bɛɛr nyɔk ë luɔɔi (cï mɛn de alöŋ ku järbäänia de gëlääth, waraga, koth ë mäläŋ, käjuëc kɔ̈k)
• Wathaka ye bɛɛr lɔ waar (cï mɛn de wɛl ye mïïth cɔk lok, adit ke kudɛ̈ɛ̈r, nyuɔ̈ɔ̈n rɛɛc ye mïït pɛ̈n luɔk, yïth ke mïïth tɔ̈c, käjuëc kɔ̈k)

Wathaka ëbën nɔŋ nhom kuɔ̈ɔ̈m thith aye lɛɛr të de wathaka de Cosgrove. Athiekic bï keek bɛɛr ya lɔ nyɔk ë luɔɔi agokë bɛɛr piath të ben rɔt lëu në luɔɔi ago wathaka bï lɔ cuatwei ya dhil tekic amääth.

Ago wël juëc kɔ̈k yök ke yï nem: greatershepparton.com.au/how-do-i-dispose-of

Jerdel nɔŋ nhom kuɔ̈ɔ̈m maketh (bennë wathaka bï lɔ nyɔk ë luɔɔi ya tääu thïn)

Yeeŋö LËU ba ya tääu në jerdel nɔŋ nhom kuɔ̈ɔ̈m makethic?

• Alöŋ ku järbäänia de gëlääth (agut cï bï jerdel nɔŋ nhom kuɔ̈ɔ̈m maalïïk kɔn bɛ̈i)
• Karaton ke ca ku athiir (karaton ye pïu muk)
• Koth aadiit ku maläŋ
• Athöör ë jarïda, waraga cï liääp kennë thabura de karatoon
• Barmil ë lïthïk

Yeeŋö CÏÏ LËU ba ya tääu në jerdel nɔŋ nhom kuɔ̈ɔ̈m makethic?

• Bɛɛk tɔ̈ ëke ye lïthïïk
• Ŋeth ŋoot ke tuc ka pïu
• Wathaka ye bɛɛr lɔ waar (cï mɛn de wɛl ye mïïth cɔk lok, adit ke kudɛ̈ɛ̈r, nyuɔ̈ɔ̈n rɛɛc ye mïït pɛ̈n luɔk, yïth ke mïïth tɔ̈c, käjuëc kɔ̈k)
• Martaba
• Ujiɛ̈ɛ̈r ke riäi
• Janh ë Mäkänä
• Adit ku mäläŋ
• Alɛ̈th ku lïthïïk thɛɛr cï riääk
• adit ke karaba (cï mɛn de TVs, guɔ̈ɔ̈t de kë nɔŋic karaba, käjuëc kɔ̈k peei.)
• Abïny/kubän ë gëlääth cï kuɛɛm ka gëlänh awër cï nyin kuɛɛm

Wathaka ëbën tɔ̈ në jerdel nɔŋ nhom kuɔ̈ɔ̈m maketh yic aaye keek kuanyiic ku aaye keek bɛɛr looi ëke ye kä kɔ̈k peei jöt.

Ago wël juëc kɔ̈k yök ke yï nem: greatershepparton.com.au/how-do-i-dispose-of

Jerdel nɔŋ nhom kuɔ̈ɔ̈m maŋök

Yeeŋö LËU ba ya tääu në jerdel nɔŋ nhom kuɔ̈ɔ̈m maŋökic?

• Thueithueei ke liɛ̈ɛ̈m ku kudɛ̈ɛ̈r
• Thueithueei ke rïŋ ku yom
• Rɛ̈c ku kuïïn ke seafood (agut cï shells)
• Cɛk ke weŋ
• cual ë chäi & bun
• Tissues & napkins
• Nhiɛ̈m
• wɛl ye mïïth cɔk lok
• Wathaka de nyuɔ̈ɔ̈n cï tɛm nhom (agut cï. temë nhom de nyuɔ̈ɔ̈th rac ku nyuɔ̈ɔ̈n ë rose)
• Tiim ku yɔ̈r thii wën kën 100mm dööt në bɛ̈ɛ̈rden
• Bɛk/cual nɔŋ nhom kuɔ̈ɔ̈m maalïïk ye keek gam në akutnhom

Yeeŋö CÏÏ LËU ba ya tääu në jerdel nɔŋ nhom kuɔ̈ɔ̈m maŋökic?

• Wathaka tɔ̈ në cualic/kabɛɛra yic
• Bɛɛk tɔ̈ ëke ye lïthïïk
• Nyuɔ̈ɔ̈n/wathaka domic tɔ̈ në cuɛl/bɛɛk yic
• Lïthïïk piɔl/martaba
• Wathaka tɔ̈ domic (töny ë lïthïk ku lïthïïk ɣɔ̈riic)
• Waraga, thabura de karatoon ku lïthïïk
• gëlääth ku adiit
• Kä ke yïŋë ɣööt (cï mɛn de cementï, tuup, tiles)
• Tiɔp ku kur
• Pämpääth

Wathaka ëbën nɔŋ nhom kuɔ̈ɔ̈m maŋök aye lɛɛr të thiɔ̈k bennë ye lɔ looi thïn, tɔ̈ në Shepparton kɔ̈u ciɛ̈ɛ̈n ëtënnë. Wathaka kënnë aye lɔ wel ke ye wɛ̈ɛ̈l de mïïth tɔ̈c ku lɔ dhuɔ̈k ciɛ̈ɛ̈n tënnë kɔc puur dumken yiic ka kɔc ye nyuɔ̈ɔ̈n dhuɛ̈ɛ̈ŋ.

Ago wël juëc kɔ̈k yök ke yï nem: greatershepparton.com.au/how-do-i-dispose-of

Ɣän ke kuɔny (Resource Recovery Centres)

Akut ë Resource Recovery Centres (ɣän ke tooc ku nyuuth) ee kɔc rɛ̈ɛ̈r baai kony bïkkë wathakaai keen tɔ̈ ɣööt ku kä lëu bï keek bɛɛr lɔ nyɔk ë wɛ̈ɛ̈r ya cɔk nyiɛɛië keek të dït kek aka cïï lɔ lëu në jerdel de wathaka yic. Na nɔŋ käjuëc ke mïïth ŋök, cementï ku tuup ke kaa lëu ba keek cuat thïn ëtënnë ku bï keek lɛɛr tënnë akut ë Resource Recovery Centre në wëu.

Ɣän tɔ̈ kek thïn:

• Mäktam de Shepparton Resource Recovery Centre
  125 Wanganui Road, Shepparton
  Ye ɣɔ̈ɔ̈r në: Yom tëneen agut cï yom Thibit - në thaa 8.00 miäkduur - agut cï thaa 4.15 thëëi
  ku në Yom Läät/kööl ajatha - thaa 9.00 miäkduur - agut cï thaa 4.15 thëëi
• Mäktam tɔ̈ në Ardmona de Akut ë Resource Recovery Centre
  770 Turnbull Road, Ardmona
  Ye ɣɔ̈ɔ̈r në: Yom Talataa, Yom Ɣarbaa ku Yom Thibit - në thaa 8.00 miäkduur - agut cï thaa 4.15 thëëi
  në Yom Läät/kööl ajatha - thaa 9.00 miäkduur - agut cï thaa 4.15 thëëi
  Kööl ë Dhiëëth - 9.00am - 2.45pm
• Mäktam tɔ̈ në Murchison de Akut ë Resource Recovery Centre
  15 Cassidy Rd, Murchison
  Ye ɣɔ̈ɔ̈r në: Yom Ɣarbaa ku Yom Läät thëëi në kaam de thaa 1:00 thëëi - agut cï thaa 3.45 thëëi

Ago wël juëc kɔ̈k yök ke yï nem: greatershepparton.com.au/resource-recovery-centres

Nïn benëke yen ya thiöök thok:

Mäktɛɛp ke Akut de Resource Recovery Centres aye tɔ̈ ëke thiɔ̈ɔ̈k thook në Kööl ë Dhiëëth, Kööl ë Boxing Day, Kööl ë Göl/Jɔ̈k ë ruɔ̈ɔ̈n, Kööl ë Anzac Day ku jɔl ya kööl ë Jön de rɔt.